मंगलबार असोज २८ काठमाण्डौ,

जेन्जी आन्दोलनपछि सार्वजनिक रूपमा नदेखिएका नेपाली काँग्रेसका सभापति शेर बहादुर देउवा आज केन्द्रिय कार्य समितिको बैठकमा सहभागी हुँदैछन् ।

गत भदौ २४ जेनजी आन्दोलनकारीहरूद्वारा आफ्नै निवासमा सांघातिक आक्रमणमा परेका उनी त्यसयता केही समय उपचारमा भए पनि प्रायः सार्वजनिक भएका थिएनन् ।

सभापति सहभागी हुने भएपछि नेपाली काँग्रेसको मुख्यालयमा सुरक्षा व्यवस्था कडा बनाइएको छ । अहिले नेपाल प्रहरी साथै नेपाली काँग्रेसका युवा संगठन तरुण दल र विद्यार्थी संगठन नेपाल विद्यार्थी संघले मुख्यालयमा सुरक्षा दिइरहेका छन् ।

देउवामाथि सभापतिको पद छोड्न पनि पार्टी भित्रैबाट दवाव रहेको छ । उक्त बैठकमा केन्द्रिय कार्य समितिका पदाधिकारी तथा सदस्यहरु, आमन्त्रित सदस्यहरु र सात वटै प्रदेशका सभापतिहरु सहभागी हुँदैछन् ।